Treftadaeth Cymru

Taith Tref Aberystwyth

Mae taith Aberystwyth yn daith dywys ar droed drwy strydoedd y dref glan-môr hon ac yn cynnig cyd-destun i chi ddeall ei phensaernïaeth a’i datblygiad fel porthladd, tref brifysgol a chyrchfan glan-môr.

  • Mae olion castell canoloesol Aberystwyth a muriau’r dref, sy’n dyddio o 1277, i’w gweld o hyd. (DI2005_0805/NPRN: 33035)
  • Codwyd Pont Trefechan, Aberystwyth ym 1887 i gymryd lle’r bont gynharach, gan John Nash, a gawsai ei dinistrio gan lifogydd. (NPRN: 40386. DS2006_201_011)
  • Hen Goleg Prifysgol Cymru, Aberystwyth, o’r gorllewin. Bu’n westy moethus i gychwyn a chafodd ei adfer, ar ôl tân, gan Seddon a Coates Carter. (NPRN: 23303. DI2006_0202)

Defnyddiwch y daith dywys a’r map o’r dref i ddilyn y cyfarwyddiadau yn y canllaw. Cewch wybod am hanes a datblygiad y dref glan-môr hon ac am ei threftadaeth bensaernïol gudd. Yn y canllaw cewch luniau o’r adeiladau sy’n cael sylw yn y testun. Defnyddiwch y cyswllt ar waelod y tudalen hwn i weld y daith ar-lein neu i lwytho’r ffeil i lawr i’w hargraffu a mynd â hi gyda chi ar eich taith gerdded o amgylch Aberystwyth.

Dogfennau